Liderja e së djathtës në Francë, Marine Le Pen është shpallur këtë të hënë fajtore bashkë me 8 eurodeputetë të tjerë të “Frontit Kombëtar” nga Gjykata e Parisit për përvetësim të fondeve të BE-së. Mediat franceze raportojnë se dënimet e tyre do të raportohen individualisht.
Vendimi për ta shpallur fajtore Marine Le Pen, mund të rrezikojë të ardhmen politike të saj, pasi mund t’i ndalohet për 5 vite për të kandiduar për postin e Presidentit në Francë.
Le Pen dhe 24 zyrtarë të tjerë nga partia e saj “Fronit Kombëtar u akuzuan për përvetësimin e më shumë se 3 milionë eurove të fondeve të Parlamentit Evropian për të paguar stafin me bazë në Francë gjatë viteve 2004-2016.
Pas përfundimit të gjyqit në nëntor, prokurori i shtetit kërkoi vendime fajësie për Le Pen dhe bashkë-pandehurit e saj, të cilët kanë mohuar çdo keqbërje.
Prokurori kërkoi gjithashtu që Le Pen të gjobitet me 300 mijë euro, të vuajë deri në 10 vjet burg dhe, më e rëndësishmja, të ndalohet nga kandidimi për poste publike me efekt të menjëhershëm për pesë vjet nëse shpallet fajtor.
“Është vdekja ime politike ajo që kërkohet,” tha Le Pen në nëntor 2024.
