GJKKO dhe SPAK i janë drejtuar me një shkresa zyrtare Policisë së Shtetit dhe Ministrinë e Brendshme lidhur me protestën që u zhvillua dy ditë më parë në mbështetje të kryebashkiakut Erion Veliaj.
GJKKO dhe SPAK kërkon informacion rreth arsyeve se pse nuk u mor asnjë masë nga strukturat e policisë për mungesën e masave të sigurisë ditën që u caktua masa e sigurisë ndaj Erion Veliajt.
Mbështetësit e Veliajt bllokuan rrugën, por edhe automjetin e shoqërimit të Veliajt nga qelia në gjykatë dhe anasjelltas, si dhe qëndruan për orë me radhë duke brohoritur para dyerve të GJKKO teksa zhvillohej seanca gjyqësore.
Sipas SPAK dhe GJKKO, pjesë e protestës ka qenë dhe pengimi i lëvizjes së fugonit të Drejtorisë së Burgjeve, një veprim që ka vënë në rrezik funksionimin e normal të institucioneve përkatëse.
“Nuk ka pasur asnjë reagim nga ana e saj (Policisë) për të bashkëpunuar me Gardën e Republikës së Shqipërisë, duke treguar një indiferentizëm të pashpjegueshëm në ndjekjen dhe parandalimin e kësaj situate e cila mund të rrezikonte seriozisht jetën Rruga “Jordan Misja” Nr.1, 1057 Tiranë; tel/fax 0035542231527; gjykata.gov.al dhe shëndetin e gjyqtarëve dhe personelit administrativ. Kjo apati institucionale përbën padyshim një cenim të rëndë të pavarësisë së gjyqësorit. Gjykata e Posaçme e Shkallës së Parë për Korrupsionin dhe Krimin e Organizuar e ka konsideruar këtë sjellje të paprecedent të Policisë së Shtetit, të papranueshme dhe në kundërshtim me ligjin dhe aktet nënligjore përkundrejt institucioneve kushtetuese të sistemit të drejtësisë shqiptare, siç janë Gjykatat e Posaçme dhe SPAK, të cilave ju ofrohet mbrojtje e posaçme, jo vetëm nga ligjet dhe aktet nënligjore në fuqi, por dhe nga ligji nr. 95/2016 “Për organizimin dhe funksionimin e institucioneve për të luftuar Korrupsionin dhe Krimin e Organizuar”, shkruan SPAK.
SPAK dhe GJKKO shprehen se Policia e Shtetit ka penguar Gjykatën të ushtrojë funksionet e saj dhe i kërkon Ministrisë së Drejtësisë që të marrë masa për drejtuesit.
“Nëpërmjet mosveprimeve të saj, Policia e Shtetit ka kontribuar në pengimin e Gjykatës së Posaçme në ushtrimin e funksioneve të saj kushtetuese dhe ligjore për të gjykuar në një ambient të sigurt dhe të qetë si dhe për të garantuar jetën dhe shëndetin e gjyqtareve dhe personelit administrativ. Nëpërmjet shkresës më sipër, Gjykata e Posaçme e Shkallës së Parë për Korrupsionin dhe Krimin e Organizuar, i është drejtuar Ministrisë së Brendshme dhe Drejtorisë së Përgjithshme të Policisë së Shtetit, që të marrin masat e duhura për vënien përpara përgjegjësisë administrative apo ligjore, të gjithë personat përgjegjës të Policisë së Shtetit, të cilët nuk kanë marrë masat e duhura, në zbatim të ligjit, për të shmangur apo monitoruar këtë situatë të paprecedentë. Po ashtu, kjo gjykatë ka kërkuar që t’i vihet në dispozicion e gjithë procedura ligjore e ndjekur dhe planin e masave që janë marrë në rastet e ngjashme sikurse gjatë protestave të datave 6.12.2024 dhe 06.01.2025, si dhe një shpjegim i argumentuar dhe me prova pse nuk është ndjekur e njëjta praktike edhe në rastin e incidentit të datës 12.02.2025″, shkruan SPAK dhe GJKKO.
Burimet thone se GJKKO ka shprehur një shqetësim për këtë çështje dhe se Policia e Shtetit do t’i ktheje nje përgjigje shkresës së tyre. SPAK dhe GJKKO janë institucione të rëndësisë së veçantë, dhe detyrimisht sipas ligjit, në çdo rast të ngjashëm duhet të merren në ruajtje nga Policia e Shtetit dhe Garda e Republikës.
Kjo e fundit kërkoi mbështetje nga policia për të krijuar kordon në perimetrin e sigurisë, kërkesë të cilës uniformat blu nuk iu përgjigjën.
