Gjykata e Posaçme shtyu për ne 28 janar seancën gjyqësore ndaj ish-ministrit të Mbrojtjes, Fatmir Mediu.
Në seancën e sotme u paraqitën 2 nga ekspertët që kanë përpiluar akt-ekspertimit tekniko-ushtarak në dosje. Ata nuk dhanë shpjegime, pasi avokatët e Mediut paraqitën një kërkesë me pyetje të tjera për ta.
Për t’i dhënë kohë ekspertëve, 6 në total, gjykata shtyu seancën në afatin maksimal, ndërsa orientoi ekspertët t’i përgjigjen vetëm pyetjeve në fushën e tyre të ekspertizës dhe jo ato të karakterit juridik apo ligjor.
Ish-ministri, Mediu po hetohet për çështjen “Gërdeci”, tragjedi e cila ndodhi në 15 mars të vitit 2008, ku nga shpërthimi i punishtes së demontimit të armëve mbetën 26 të vrarë dhe qindra të plagosur. Mediu po gjykohet për dy akuza, atë të “Shpërdorimit të Detyrës” dhe “Shpërdorim i detyrës në bashkëpunim me subjekt ushtarak-kuadër komandues”.
