Gjatë fjalimit të mbajtur në Selanik, kryeministri Edi Rama u mburr edhe me drejtësinë, që sipas tij, është çliruar nga partia e pushtetit, por ndërkohë faktet tregojnë të kundërtën.
Rama deklaroi se drejtësia e krijuar prej tij po fshin llumin shumë vjeçar të politikës, por harron se pjesë e llumit është edhe ai, pasi konsiderohet si një prej kryeministrave të shumë akuzuar me vjedhje qindra miliona euro të fondeve publike.
Drerjtësia e Ramës deri më tani ka arrestuar dhe burgosur krerët e opozitës, teksa nga krahu i pushtetit në “rrjetë” kanë ngecur vetëm “cirona”, dhe asnjë prej ministrave abuzues nuk po përballet me drejtlsinë, përveç Arben Ahemtaj, i cili është në arrati.
“Më kryesorja sot është se Shqipëria nuk është më vendi i një kaste të fuqishme mbi ligjin. Kultura e pandëshkueshmërisë ka marrë goditjen vdekjeprurëse sepse për herë të parë, njerëz të veshur me pushtet politik i janë nënshtruar forcës së ligjit të pabarabartë për të gjithë, pavarësisht pozicionit të tyre, ata që i kanë rënë në qafë popullit shqiptar, ata që e kanë lidhur kollaren me duart e botës së krimit, drejtësia sot e çliruar nga pushteti politik. Mjafton të kthesh kokën mbrapsht në historinë tonë ku nuk do të gjesh dot një individ të vetëm me profil të lartë politik që të jetë dënuar nga një gjykatë e pakontrolluar nga pushteti. Sot drejtësia është çliruar nga duart e partisë në pushtet.
Mjafton të kujtoni Fatos Nanon, që u burgos jo nga një drejtësi e pavarur, as për përfitime të paligjshme personale, por për hesap të një partie në pushtet që më pas e fundosi Shqipërinë në rrënojat e piramidave financiare pa iu hyrë as një gjemb në këmbë. Sot historia e partisë në pushtet që orienton dhe kontrollin drejtësinë ka marrë fund. Udhëhoqëm një reformë në drejtësi që fshiu një pjesë të madhe të llumit të korruptuar me vetingun dhe tani po fshin edhe llum nga ai i zullumit shumë vjeçar të politikës. Kijeni parasysh asnjë nga vendet e reja anëtare të BE, ato që kanë hyrë më parë, nuk e ka bërë një reformë të tillë para se të futej në BE. Në rajon kjo s’ka ndodhur akoma dhe as në vendet që i kanë çelur negociatat para nesh kjo nuk ka nisur të jetë një reformë. Prandaj jam shumë besimplotë se pse ne kemi ecur shumë para pavarësisht bllokadave që na janë bërë herë nga një shtet herë nga një shtet tjetër, e ardhmja jonë në BE nuk është me e largët por është në duart tona për ta afruar në harkun e 5 viteve të ardhshme.”, tha Rama.
