Mazhoranca nuk mjaftohet vetëm me dënimin ekstrem me përjashtimin me nga 2 muaj të deputetëve të opozitës, por së fundmi i ka dorëzuar edhe faturën financiare për të dëmshpërblyer dëmet që shkaktuan në Kuvend në seancën e tensionuar plenare të 30 shtatorit.
Grupi i Kontrollit dhe auditit të inventarit të dëmeve që ngriti vetë Kuvendi, ka përfunduar bilancin dhe ka dalë në përfundim se deputetët e opozitës duhet të paguajnë shumën prej 764.922 mijë lekësh të reja.
Kjo faturë nuk do të paguhet nga të gjithë deputetët, por Kuvendi ia u ka faturuar 4 më “problematikëve” të evidentuar prej socialistëve.
Pjesën e “luanit” të faturës ia kanë faturuar kreut të grupit parlamentar të PD-së, gazment Bardhi, i cili i duhet të paguajë 209.175 lekë, ndërsa Sekretari i Përgjithshëm i PD-së, Flamur Noka duhet të paguaj 187.455 lekë.
Pjesën tjetër të faturës do ta paguajnë dy deputetët Bledion Nallbati dhe Elda Hoti, më konkretisht i pari do të paguajë 187.455 lekë dhe e dyta 180.837 lekë.
Socialistët nuk i kanë faturuar opozitës vetëm djegien e karrigeve, por edhe disa mikrofona të prishur si dhe dëmtimin e disa dyerve dhe foltores.
Deputetët demokratë kanë afat për pagimin e tarifës deri në datë 20 Nëntor, në të kundërt lekët do t’u mbahen nga rroga.
