Kreu i grupit parlamentar të PD-së, Gazment Bardhi është prononcuar për mediat pas përfundimit të aksionit të sotëm në Kuvend, ku deklaroi se Ervin Salianji është burgosur pa ligj, ashtu edhe deputetët e PD-së janë përjashtuar pa ligj.
Ai deklaroi se nuk i duket normale situata që kryeparlamentare futet në Kuvend nga vrima si mua, teksa sipas tij, për të miratuar ligjet i vetëm mund ta bëjnë dhe te vila e Edi ramës në Surrel.
I pyetur se si do të vazhdojë aksioni opozitar, Bardhi u përgjigj “si të na teket”, duke vazhduar me çdo godinë ku fshihet krimi. Sipas tij, Putini nuk bën asgjë më shumë se Rama.
Bardhi: Përjashtimi i deputetëve të Kuvendit të Shqipërisë nuk parashikohet në rrethanat që njeh rregullorja e Kuvendit. Pra, praktikisht njësoj si deputetët e burgosur janë burgosur pa ligj, edhe deputetët e dënuar janë dënuar pa ligj.
Ky është një regjim që nuk njeh ligj dhe Kushtetutë dhe këtë po e tregon edhe me luftën që po bën me opozitën në tërësi dhe qytetarët e ndershëm që kanë vendosur t’i qëndrojnë përballë regjimit të Edi Ramës. Deputetët nuk lejohen të ushtrojnë punën me forca sigurie. Nuk bën asgjë më shumë dhe as më pak Putini. Nëse ju duket jetë normale parlamentare kur kryetarja hyn si mi, mua nuk më duket normale. Ligjet mjafton të mblidhen te vila e Ramës në Surrel dhe mund ti miratojnë. Sjell deputetët e tij si dele për t’u përplasur dhe vetë fshihet në Surrel dhe shijon luksin e krijuar me paratë e vjedhura të qytetarëve të varfër. Kjo do të thotë të fshihesh pas grave.
Ne do të vazhdojmë si do na teket. Pra, rast pas rasti do vazhdojmë në raport me këtë godinë dhe çdo godinë ku është strehuar krimi i organizuar. Rast pas rasti do vazhdojmë me këtë godinë me Kryeministrinë dhe çdo godinë tjetër ku strehohet krimi dhe qëllohet ndaj atyre që luftojnë krimin. S’ka patur asnjëherë marrëveshje me Edi Ramën. Kemi detyruar të na njoh të drejtat që ka opozita në kuadër të aksionit, u detyrua për shkak të aksionit. Dënimet janë shfuqizuar nga Gjykata. Nuk janë vendosur flakë Kuvendit. Karriget janë mjet pune, mund të thyehet, mund të prishet, mund të dëmtohet dhe deputeti ka dhe detyrim ta dëmshpërblejë. Nuk është e Edi Ramës dhe as e Elisa Spiropalit.
