Deputetja e PD-së, Jordia Tabaku ka reaguar në lidhje me qëndrimin që mbajti sot kryebashkiaku i Tiranës Erion Veliaj në lidhje me arrestimin për korrupsion të drejtorëve të tij, ku kanë përfituar miliona eruo tek afera “5D”, ku u mundua të shfajlsonte veten.
Në një postim në rrjetet sociale, Tabaku shkruan se Veliaj po korr frutet e korrupsionit që ka mbjellur me firma dhe shkresa.
Sipas saj, kryebashkiakut të Tiranës nuk i vlejnë regjia, telekamerat e fundit dhe përbetimet për pastërti, pasi sot ka përgjegjësi morale, ligjore dhe politike. Ajo shton më tej se të gjithë presin që Veliaj të thirret para përgjegjësi për firmën që ka hedhur tek afera e inceneratorit të Tiranës.
“Ka një kohë për të korrur frutet e farës që ke mbjellur. Dikush korr frutet e farës e luftës kundër korrupsionit ndërsa të tjerë korrin frutet e korrupsionit që kanë mbjellur me firma dhe shkresa. Regjia, telekamerat e fundit dhe përbetimet për pastërti nuk vlejnë dhe aq. Sot, ka përgjegjësi ligjore, morale dhe politike.
Të gjithë presim që të thërritet para përgjegjësisë Erion Veliaj, që ka hedhur firmën tek afera e inceneratorit të Tiranës. Dita për të pasur frikë ligjin e mbi të gjitha për të dita për të marrë përsipër pasojat e sistemit e modelit që ka krijuar.” – shkruan Tabaku.
