Ish-kandidati për kryebashkiak, Belind Këlliçi ka treguar një skemë që tregon se ku kishte arritur marrëzia e zyrtarëve të Bashkisë së Tiranës dhe ndërmarrjeve të bashkisë me tenderat.
I ftuar në emisionin “Të Paekspozuarit” në MCN TV, Këlliçi shpjegoi se si në një rast punonjësi i ujësjellësit, që ka kryer punimet e hotelit të drejtorit të prokurimeve në UKT, është shpërblyer me tender për këto punime.
“Hoteli La Brisa në Dhërmi, 40% aksioner drejtori i prokurimeve në UKT. 60% e hotelit është pronar, Fatos Malaj, vëllai i kryetarit të Bashkisë Burrel, Agron Malaj. Një person që bën punime për hotelin, në vlerën 630 mijë euro, që ia kanë borxh, është Durim Mustafa, shef sektori në ujësjellës.
Ndërkohë, ky punonjësi që ka bërë 630 mijë euro punime është kapur nga SPAK që ka qenë antëar i KVO në tre tendera që fiton Redi Molla. Në gusht 2023, ky merr tender 3.2 milionë euro te Bashkia e Burrelit te Agron Malaj. Ndërkohë, një vit e gjysëm më parë, Fatos Malaj merr dy tendera në vlerën 13 milionë euro te ujësjellësi i Tiranës me firmën e Elton Kacidhes“, tha Këlliçi.
