Banorët e Thirrës në Mirditë kanë dalë sërish në protestë këtë të hënë për të kundërshtuar projektet e HEC-eve lokale në zonën e Thirrës, Sang dhe Hebes.
Banorët kanë ngritur një çadër në vendin ku parashikohet të ndërtohet projekti dhe kanë deklaruar se nuk do të lejojnë punimet.
Banorët kërkojnë që të respektohet ligji dhe vendimet e marra nga bashkia Mirditë për punimet në këto hidrocentrale, pasi sipas tyre uji që merret shkakton dëme për ekonominë e zonës.
Deri në zgjidhjen e situatës, banorët kanë paralajmëruar përshkallëzim të protestës.
