Një zjarr ka rënë pasditen e kësaj të premte në Kavajë. Mësohet se disa persona kanë ndezur zjarr për të djegur disa shkurre por flakët kanë dalë jashtë kontrollit, dhe të favorizuara nga era janë përhapur me shpejtësi duke përfshirë sipërfaqe te konsiderueshme me bimësi.
Burime bëjnë me dije se zjarri ka rënë në lagjen numër 4 , në vendin e quajtur Kodra e Ali Beut. Nga zjarri nuk raportohet për persona të lënduar.
Zjarrfikëset janë nisur drejt vendngjarjes për shuarjen e flakëve.
