Deputeti i Partisë Demokratike, Luan Baçi komentoi mbledhjen e sotme të opozitës në Kryesinë e Kuvendit.
Baçi tha se në mbledhje u diskutuan problematika të ndryshme, por grupi parlamentar ishte i gjithi në unison për vijimin e aksionit në mënyrë të pandërprerë opozitar.
Nga ana tjetër, Baçi thotë se Rama po kërkon të votojë Reformën Zgjedhore ashtu siç bëri në vitin 2020 me deputetët që u futën nga lista e opozitës pasi u dogjën mandatet.
“Një mbledhje e gjatë normalisht, ishte mbledhje e rradhës, e zakonshme e grupit parlamentar të opozitës. Por në një realitet krejt të ndryshëm politik. Bëhesh për herë të parë para një sesioni të ri parlamentra me kryetarin Berisha nën masën arrest shtëpie e dhënë nga Edi Rama në mënyrën më të padrejtë. Mbledhja vijoi normalisht ku u diskutuan problematika të ndryshme. Diskutimet qenë të shumta të të gjihëve. Ishim në unison që të vazhdojmë aksionin tonë në mënyrë të pandërprerë në plotësim të të drejtave të mohuar të opozitës. Për komisionet parlamentare, reformën zgjedhore dhe ato ligje të propozuara nga PD që u hodhën me arrogancë poshtë. Në emër të grupit parlamentar për komisionet Bardhi i ka bërë një kërkesë presidentit për të mos dekretuar rregulloren për komisionet. Nuk kam ndonjë shpresë, gjithsesi do të jemi në pritje dhe në vazhdim të aksionit opozitar për të mos lejuar terren në mënyrë të paligjshme me mazhorancën të shkel ligjet. Nëse i mohohet e drejta e fjalës dhe komisionet parlamentare dhe të bëjë një reformë zgjedhore sipas oreksit të Ramës. Disa vite më parë thoshte me batutat bajate duke e anatemuar me 2 ballistë e tre partizanë. Ka përvojën e “kërpëratave”. Po mundohet të përsëris një “kërpëratë” me Bashën. Ne do vazhdojmë me aksionin politik dhe nuk do lejojmë të mohohen të drejtat e opozitës”, tha Baçi per Fax News.
