Një 41-vjeçar i shpallur në kërkim për prodhim dhe shitje të lëndëve narkotike është arrestuar në Elbasan. Në pranga ka rënë shtetasi Boiken Bahiti, i cili është dënuar me burg nga gjykata e Elbasanit, pasi në muajin maj të këtij viti është kapur me lëndën narkotike kanabis.
“Specialistët e Seksionit për Hetimin e Krimeve kundër Personit dhe shërbimet operacionale të Drejtorisë Vendore të Policisë Elbasan, në kuadër të megaoperacionit “Sundimi i ligjit”, ndaluan shtetasin B. B., 41 vjeç, banues në Elbasan.
Gjykata e Shkallës së Parë e Juridiksionit të Përgjithshëm Elbasan i ka caktuar 41-vjeçarit, masën e sigurisë “Arrest në burg”, për veprën penale “Prodhimi dhe shitja e narkotikëve”, kryer në bashkëpunim, pasi dyshohet se posedonte bashkë me shtetasin B. R., të arrestuar nga Policia, në kuadër të operacionit të koduar “Plani”, në muajin maj 2023, një sasi lënde narkotike cannabis sativa, e cila u sekuestrua nga Policia, gjatë operacionit”,- njofton Policia.
Materialet procedurale i kaluan Prokurorisë, për veprime të mëtejshme.
