Një 22 vjeçar nga Shkodra është vënë në pranga nga blutë e Gjirokastrës nën akuzën e dhënies së ndihmës për kalim të paligjshëm të kufirit.
Shtetasi A.D. u kap në aksin Gjirokastër-Kakavijë teksa po transportonte me mjetin e tij 4 emigrantë të paligjshëm nga vendet e treta, të cilëve iu kishte marrë nga 500 euro për person, për t’i kaluar ilegalisht në vendet e BE.
Automjeti që drejtonte 22-vjeçari u lokalizua në aksin rrugor “Gjirokastër-Kakavije”, ku punonjësit e Policisë i dhanë urdhër për ndalim dhe mundën ta arrestojnë në hyrje të Gjirokastrës.
Në cilësinë e provës materiale u sekuestruan automjeti tip “Mercedes Benz” dhe 2 celularë.
