Deputetja e Partisë së Lirisë, Monika Kryemadhi, ka folur mbrëmjen e sotme lidhur me akuzat ndaj kryedemokratit Sali Berisha, dhe burgosjen e dhëndrit të tij Jamarbër Malltezi, për dosjen Partizani’.
Në një prononcim për mediat jashtë ambjenteve të Kuvendit, Kryemadhi u shpreh se cështja është një përndjekje politike.
Kryemadhi, u shpreh gjithashtu se Edi Rama i ka kthyer të gjitha institucionet e vendit në shërbim të tij, trafikut ndërkombëtar të drogës, si dhe institucionalizimit të krimit të organizuar.
Kryemadhi: Druri që po përdor Rama sot ndaj shqiptarëve dhe shqiptarët që e vlerësojnë ose ia shesin votën ose ai ua vjedh votën le ta zbulojnë. Kur nuk funksionon logjika nganjëherë funksionon edhe logjika e forcës.
Për mua Arbër Malltezi është i burgosur politik, Sali Berisha është i përndjekur politik. Ju e njihni Berluskonin i cili ka pasur rreth 475 çështje por nuk ia ka heq njeri pasaportën Berluskonit, as nuk e ka ndalur njeri që të dali, megjithatë ajo që unë theksoi që loja politike që përdoret është shumë e shëmtuar dhe nuk krijon ndonjë efekt, krijon efekt terror psikologjik te bizneset dhe qytetarët. Sepse janë 16 pronarë dhe pse arrestohet njëri dhe jo të gjithë.
