Presidenti i Francës, Emmanuel Macron e ka konsideruar si një gabim nga pala franceze, që asnjë president francez nuk ka shkelur në Shqipëri që prej vendosjes së marrëdhënies dypalëshe në vitin 1992.Duke folur në konferencën e përbashkët me kryeministrin Edi Rama, Macron u shpreh se ishte koha për ta rregulluar kë gabim.
Kreu i shtetit francez deklaroi se rruga evropiane e Shqipërisë është tashmë e pakthyeshme. Ai shtoi më tej se po hyjmë në erën e re të ribashkimit të kontinentit tonë. Sipas tij, integrimi i Shqipërisë në Bashkimin Europian, nuk është një dhuratë për të, por një e mirë që i bëhet edhe Europës.
Macron është shprehur kundër burokracive për integrimin e vendeve të Ballkanit Perëndimor në union.
“Unë mund t’ua them që jam i lumtur që jam këtu pa bërë asnjë kujdes diplomatike për gjuhën. Jam i lumtur që gjendjen krah jush në një moment kaq delikat në Evropë. Me luftën në Ukrainë, me terrorizmin në vendin tonë, luftën në Kaukaz sepse u përmenda sulmin e djehsmë në Buksel.
Të jem në krahun tuaj sot, është një formë riangazhimi e Francës në vendin tuaj dhe në rajon. Ishte një gabim i thellë që prej vitit 1992 dhe vendosjes së marrëdhënieve diplomatike nuk kishte ardhur asnjë presidentit i Francës në Shqipëri, jo vetëm t’ju vizitonte por edhe të bënit një copë rrugë bashkë. Ishte momenti për ta bërë, kjo vizitë zyrtare ishte një formë riparimi, rregullimi i gabimit, ishte një formë rregullimi e marrëdhënies sonë. Nuk dua të shoh nga e kaluara por nga e ardhmja. Delegacioni në na shoqëron tregon për vullnetin tonë. Të respektojmë atë që na lidh, historia kulturore.
Isha shumë krenar që i dorëzova dekoratën Ismail Kadare si dhe kaluam momente shumë të bukura me Prelocajn etj. Kjo shpreh marrëdhënien e fortë që ekziston në marrëdhëniet tona. Shpresoj të kemi angazhime edhe më tej, të bijojmë gjuhën franceze në vendin tuaj si dhe për liceun francez në Korçë.
Në luftën kundër krimit e trafikut, ju falënderoj që keni qenë efikasë në këtë fushë, gjë që na ka bërë të nënshkruajmë një marrëveshje dhe ta vëmë në zbatim. Do të vazhdojmë të ecim përpara të përforcuar nga kjo dinamikë. Jam i bindur që vendi juaj është i ankoruar në Evropë. Jo vetëm në këtë zonë, ku deshën t’iu mbyllin shumë herë, ndërsa ju kishit atë karakterin tuaj të veçantë në rajon, por edhe në Mesdhe. Po hyjmë në erën e re të ribashkimit të kontinentit tonë. Rruga e Shqipërisë drejt Bashkimit Evropian është e pakthyeshme. Përshëndes rrugën e reformave që keni ndërmarrë. Jeni një vend e një popull që e donte Evropën, kjo është thelbësore.
Nuk është një dhuratë që i bëhet Shqipëri, zgjerimi është mirë për ju, por edhe mirë për ne, sepse keni inteligjencën dhe vullnetin për ta mbajtur këtë ambicie, për të çuar përpara me guxim përpara reformat, këtu vë re një dashuri për parimet themeluese të Europës sonë, këtë rrugë do ta kryeni, ne do ju shoqërojmë me respekt, dhe prova dashurie, me investime. Nëse do kemi një Europë kapitull pas kapitulli, unë dua që të jetë mjeti që vendi juaj të ecë përpara.
Të hapim terrene të reja atje ku s’kemi qenë. Ka pasur një delegacion dhe janë nënshkruar marrëveshje në fushën energjive të rinovueshme, është një hap përpara në infrastrukturë, në sektorin e ujit, në inovacion, shpresoj që të jemi në krahun tuaj në ambicien tuja për turizmin. Shpresoj të kemi franzce, që ju vetëm jo të hapni shkolla të nivelit të parë, por edhe të formoni,. Franca do angazhohet që të formojë të rinjtë shqiptarë me zanatet e hotelerisë”, tha Macron.
