Rinis dhe të gjithë janë në radhë pas Manchester City-t.
Kampionët në fuqi të Europës janë favoritë, sipas kompanive të basteve, për të triumfuar në Champions edhe këtë sezon.
“Qytetarët” kanë një koeficient mes 3 dhe 3.25 për të triumfuar në finalen e “Wembley”-t në 1 qershor 2024. Ndjek Bajerni i Mynihut, që kuotohet me koeficientin 6-6.5.
Zbret pak më poshtë Reali i Madridit (9), që këtë sezon nuk do të ketë Karim Benzemanë e larguar drejt Arabisë dhe Tibo Kurtuanë e dëmtuar.
A do të jetë ky viti i PSG-së? Messi dhe Nejmar nuk janë më dhe është momenti që skuadrën ta tërheqë i vetëm Mbappe.
Kampionët e Francës kuotohen me koeficientin 10, po aq sa Barcelona, ndërsa pastaj vjen Arsenali me 12. Milani e ka koeficientin 30, ndërsa Interi pak më poshtë, 25.
