Kreu i PD-së, Sali Berisha, ka reaguar në lidhje me atentatit e regjistruar mbrëmjen e djeshme në Vlorë, ku u ekzekutua me breshëri kallashnikovi 41-vjeçari Leartiad Keka.
Në një postim në rrjetet sociale, Berisha shkruan se rendi është në duart e krimit dhe se 41-vjeçari u vra në moton “Hëngshin kokat e njëri-tjetrit”.
Duke iu referuar fjalëve të thëna më parë nga kryeministri Edi Rama, Berisha shkruan me ironi se policia ka njoftuar ministrin se banditët po i hanë kokën njëri-tjetrit, në përputhje me porosinë e “krim-ministrit.”
Sipas Berishës, Shqipëria është vend që ka hequr dënimin me vdekje, por kryeministri Edi Rama ka liçensuar bandat për zbatimin e tij.
Postimi i plotë i Berishës:
Përgjaket Vlora. Turizëm dhe ekzekutime. Rendi në duart e krimit! Ekzekutohet nga dy vrasës 41 vjeçari. Moto: Hëngshin kokat e njëri-tjetrit!
Të dashur miq, mbrëmë u ekzektua nga dy vrasës 41 vjeçari. Si zakonisht, vrasësit u larguan në drejtim të paditur, dhe dogjën aty ku deshën makinën nga e cila qëlluan viktimën!
Policia njoftoi ministrin se banditët po i hanë kokën njëri-tjetrit, në përputhje me porosinë e “krim-ministrit.”
Shqipëria është vend që ka hequr dënimin me vdekje. Por Edi Rama ka liçensuar bandat për zbatimin e tij.
