Anëtari i Kryesisë së Partisë Demokratike, Gent Strazimiri, ka komentuar sërisht ditën e sotme ngjarjen që ndodhi disa ditë më parë në Borizanë të Krujës, ku fisi i ish-deputetit socialist Rrahman Rraja, dhunoi barbarisht dy antarë të fisit Maja.
Përmes një postimi në rrjete sociale, Strazimiri ka publikuar pamjet nga dhuna e ushtruar, ku duket qartazi se në shpinën e një prej personave të dhunuar, shihet një gjurmë këpuce.
“Ka qeveri që shenjën e këpucës e stampojnë mbi shpinën e mavijosur të qytetarit të vet…”,- shkruan Strazimi ndër të tjera, duke nënkuptuar ‘shkeljen me këmbë’ të dinjitetit dhe të të drejtave të qytetarëve nga njerëzit e pushtetit dhe qeveria Rama.
Postimi:
FOTO QË BËJNË HISTORI
Ka qeveri që shenjën e këpucës, e stampojnë mbi sipërfaqen e Hënës…
Ka dhe nga ato që e stampojnë mbi shpinën e mavijosur të qytetarit të vet…
Shenja këpuce janë të dyja, historike janë të dyja…
Se çfarë historie është pastaj, është çështje këndvështrimesh…
KAQ!
