Sezoni veror, ka sjellë edhe këte vit konflikte mes pronarëve të hapsirave të plazhit, të cilët përplasen me njëri-tjetrin për vendosjen e shelzongëve.
Një rast i ngjashëm ka ndodhur edhe në Shkodër, ku tre të rinj kanë dhunuar një 64-vjeçar, për shkak të shfrytëzimit të hapësirës në plazh, për shezlongët.
Policia bën me dije se ka nisur procedimi për njërin nga të rinjtë e përfshirë në sherr, ndërsa janë shpallur në kërkim dy të tjerë.
“Specialistët për Hetimin e Krimeve të Komisariatit të Policisë Shkodër referuan materialet në Prokurori, ku nisi procedimi në gjendje të lirë për shtetasin D. T., 31 vjeç, si dhe shpallën në kërkim shtetasit Z. M., 27 vjeç dhe S. M., 27 vjeç, të tre banues në Shkodër.
Dyshohet se në bashkëpunim me njëri-tjetrin, kanë kanosur shtetasin S. H., 64 vjeç, banues në Shkodër, e kanë goditur atë me mjete të forta dhe i kanë dëmtuar automjetin me të cilin lëvizte, për shkak të shfrytëzimit të hapësirave në plazh, për vendosjen e shezlongëve. Vijon puna për kapjen e shtetasve Z. M dhe S. M”,- njofton policia.;
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
