Një nga protestuesit që u përfshi një ditë më parë në një incident me deputetin socialist Erion Braçe ka folur gjatë tubimit të kësaj mbrëmjeje, duke thënë se pas ngjarjes është përballur me një valë kërcënimesh.
Nga podiumi i protestës, ai rrëfeu versionin e tij të ngjarjes dhe tha se gjatë përplasjes verbale me deputetin u ofendua dhe u etiketua si “drogaxhi”.
“Dje jam sulmuar nga Erion Braçe. Më quajti drogaxhi. Ne nuk trembemi, nuk kemi frikë. Diaspora nuk ka frikë! Nuk u trembemi kërcënimeve tuaja!”, u shpreh ai.
Më tej, ai bëri me dije se pas incidentit ka qenë shënjestër e një vale të madhe kërcënimesh.
“500 mesazhe më kërcënonin, nuk ka problem! Çdo njeri që thotë të vërtetën sulmohet. Diasporën e quajnë të pavlerë kur nuk është në krahun e tyre,” deklaroi protestuesi.
