Policia e Fierit ka arrestuar ditën e sotme një 42-vjeçar të shpallur në kërkim, pasi akuzohet se goditi me çekiç në kokë fqinjin e tij.
Ngjarja ndodhi më datë 2 të këtij muaji, në lagjen “29 Nëntori”, ku pas një konflikti të çastit 42-vjeçari E.S, goditi me çekiç 55-vjeçarin Q.H.
Pas ngjarjes 42-vjeçari është larguar nga vendngjarja, por arratia e tij ka zgjatur shumë pak, sepse ditën e sotme është lokalizuar dhe vënë në pranga.
“Në vijim të punës lokalizuese dhe operacionale, më qëllim kapjen e shtetasve të shpallur në kërkim për vepra të ndryshme penale, shërbimet e Komisariatit të Policisë Fier, falë dhe mbështetjes së inteligjencës informative, ndaluan shtetasin E. S., 42 vjeç.
42-vjeçari ishte shpallur në kërkim pasi më datë 02.05.2023, në lagjen “29 Nëntori”, Fier, dyshohet se për motive të dobëta, ka goditur me send të fortë (çekiç) në kokë, shtetasin Q. H., 55 vjeç, banues në Fier.
55-vjeçari pas marrjes së asistencës mjekësore, u largua në banesë”,- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
