Një 35-vjeAar është arrestuar nga Policia në Bërzhitë pasi është kapur me lëndë narkotike.
Sipas njoftimit të policisë, në afërsi të një njësie pushimi në fshatin Bërzhitë, u arrestua shtetasi me inicialet E. T., 35 vjeç, banues në Tiranë.
Gjatë kontrollit fizik dhe atij në banesë, policia gjeti dhe sekuestroi 833 gramë lëndë të dyshuar narkotike kokainë, 576 gramë lëndë të dyshuar narkotike cannabis sativa, si dhe 930 euro, të dyshuara si të përfituara nga aktiviteti i paligjshëm i shitjes së drogës. Po ashtu, u sekuestrua edhe automjeti i të arrestuarit, në cilësinë e provës materiale.
Sipas hetimeve paraprake, 35-vjeçari dyshohet se i kishte siguruar lëndët narkotike me qëllim shitjen e tyre në sasi të konsiderueshme, kryesisht në zonën e Bërzhitës dhe në Qytet Studenti.
Materialet procedurale i janë referuar Prokurorisë së Tiranës për veprime të mëtejshme.
