Te rajoni i policisë në Fushë Krujë, janë mbledhur disa banorë të fshatit Borizanë, që po ankohen për aktivitetin në gurore.
Aktualisht, mbrëmjen e sotme janë mbledhur banorët të cilët kanë filluar protestimin e tyre, për ndalimin e aktivitetit nga firmat të cilat kanë leje për të zhvilluar veprimtari në gurore.
Një nga shqetësimet kryesore të tyre është uji. Ata thonë se prej punimeve në gurore uji është kthyer në të papijshëm, sakaq janë 150 shtëpi të prekura, nga dëmtimet e minave që shpërthejnë në gurore.
Deri më tani, ata kanë zgjedhur të dalin para rajonit të policisë, por ata paralajmërojnë se do t’i vazhdojnë protestat dhe në ditët në vazhdim.
