5 shtetas janë arrestuar ditën e sotme nga Policia e Tiranës, të akuzuar për vepra të ndryshme penale.
Blutë bëjnë me dije se në pranga ka rënë një 61 vjeçar pasi i ka marë një shumë të konsiderueshme parash një shtetasi përmes mashtrimit.
“Specialistët për Hetimin e Krimeve të Komisariatit të Policisë Nr. 2 ndaluan shtetasin D. Sh., 61 vjeç, banues në Tiranë, pasi i ka marrë një shumë parash një shtetasi, duke e mashtruar.”
Gjithashtu njoftohet se janë arrestuar shtetasit Y.H dhe EH, për grabitje dhe dhunë në familje.
“Specialistët për Hetimin e Krimeve të Komisariatit të Policisë Nr. 3 ndaluan shtetasit: – Y. H., 45 vjeç, banues në Tiranë, pasi Gjykata e Rrethit Gjyqësor Tiranë e ka dënuar me 4 muaj burgim, për veprën penale “Dhuna në familje”; – E. H., 35 vjeç, banues në Tiranë, pasi i ka vjedhur portofolin një shtetasi.”
Në pranga ka rënë po ashtu shtetasi D.K, pasi u kap duke drejtuar në gjendje të dehur automjetin si dhe shtetasi me iniciale A.D, pasi ka aksidentuar një këmbësor.
“Specialistët e Qarkullimit Rrugor arrestuan shtetasit: – D. K., 34 vjeç, banues në Tiranë, pasi u kap duke drejtuar automjetin, nën efektin e alkoolit; – A. D., 23 vjeç, banues në Tiranë, pasi duke drejtuar automjetin, ka aksidentuar shtetasin H. P., 78 vjeç, i cili ndodhet jashtë rrezikut për jetën”,- njofton policia.
Materialet i kaluan Prokurorisë, për veprime të mëtejshme procedurale.
