Me tone të ashpra iu drejtua Ilir Meta kreut të qeverisë Edi Ramës poshtë zyrës së tij në Kryeministri.
Nga foltorja e protestës së opozitës, kreu i Partisë së Lirisë e ka akuzuar qeverinë dhe Edi Ramën si një “bandë plaçkitëse me deputetë kartona” që “kërkon të marrë dhe vulën e PD-së”. Gjatë fjalës së tij Meta theksoi se demokratët dhe qytetarët do ta rrëzojnë këtë qeveri me protesta dhe zgjedhje.
“Ky njeri me probleme të mëdha mendore, karakteriale e politike sot është në panikun e presioneve nga më mafiozet që ushtrohen nga gjithë ata, mbështetjen e të cilëve kërkoi për të kapur shtetin e për të rrëzuar gjithë kollonat e pluralizmit politik”, tha Meta për Ramën.
Kreu i Partisë së Lirisë Ilir Meta, ka akuzuar kryeministrin Edi Rama se me anë të presioneve mafioze ka synuar që të shkatërrojë pluralizmin në vend. Gjithashtu theksoi se tentoi të marrë vulën e Partisë Demokratike.
“Jemi këtu se këtij të marri nuk i mjafton uzurpimi i PS që e shndërroi në një bandë plaçkitëse me deputetë që janë vetëm kartonë dhe nuk kanë asnjë bindje politike dhe asnjë kujtesë sa i takon të kaluarës. Kërkon të marrë edhe vulën e PD. Ky njeri me probleme të mëdha mendore, karakteriale, politike po e po, sot është në panikun e presioneve nga më mafioze nga ata që kërkojnë të rrëzojnë të gjitha kolonat e pluralizmit. Por sot ai është më i mjerë se këdo tjetër.. Shikoni çfarë ka bërë shoqërisë tonë, familjeve shqiptare duke i shkaktuar plagët më të rënda sociale. Këtij i duhet të vjedhë akoma më shumë. Por ne do të vazhdojmë rrugën tonë, protesta e zgjedhje. Në 14 maj do jemi këtu për të festuar fitoren e Belind Këlliçin”, tha Meta.
Fjala e Ilir Metës: “Qytetarë që keni sfiduar dhe motin por mbi të gjitha rregjimin më të urryer në kontinent për të drejtat e liritë e qytetarëve, regjimin më të korruptuar në kontinent. Regjimi që është lider për shpopullimin e vendit, që ia ka kaluar dhe Bjellorusisë. Në vazhdim të angazhimit tonë për ta rrëzuar këtë regjim me proresta e me zgjedhje e me zgjedhje e protesta.
Regjim i tmerruar nga vota e lirë. Një i marrë i tmerruar nga fjala e lirë, i tmerruar nga firmat që ka hedhur fëp e fëp, për të plackitur miliarda euro, për të shkatërruar me IKMT-në e tij si kamzhik politik mbi gjysmën e akteve e vendimeve që ai institucion kriminal ka marrë në dëm të interesit publik e në dëm të pronave të ligjshme të qytetarëve.
Ky njeri me probleme të mëdha mendore, karakteriale e politike sot është në panikun e presioneve nga më mafiozet që ushtrohen nga gjithë ata, mbështetjen e të cilëve kërkoi për të kapur shtetin e për të rrëzuar gjithë kollonat e pluralizmit politik”.
- Çfarë po ndodh sot? Gjykata e Apelit merr vendim për “vulën” e PD-së
Qytetarë nga i gjithë vendi, iu bashkuan protestës së thirrur nga opozita mesditën e sotme në bulevardin ‘Dëshmorët e Kombit’. Institucioni i Kryeministrisë është blinduar, fortifikimi i dyerve kishte përfunduar, ndërsa dritaret ishin kryesisht me grila mbyllur.
Gjithashtu ditën e sotme paralelisht në Gjykatën e Apelit do të jepet vendimi se kush do ta drejtojë Partinë Demokratike. Njëkohësisht masat e sigurisë janë shtuar edhe në Gjykatën e Apelit për të shmangur ndonjë incident të mundshëm pas vendimit të sotëm për “vulën” e Partisë Demokratike.
