Protestuesit nuk tërhiqen, marshojnë sërish në rrugët e Tiranës duke kërkuar largimin e kryeministrit Edi Rama.
Me pankarta dhe thirrje si “Shqipëria e Re”, “Revolucion”, “Ju erdhi fundi”, “Shqipëria kërkon revolucion” dhe “Poshtë patronazhistët”, qytetarët vijojnë protestën e tyre, duke përsëritur kërkesën për dorëheqjen e qeverisë.
Kjo shënon ditën e 45-të radhazi të protestave, të cilat kanë nisur si kundërshtim ndaj projektit të resortit në një zonë të mbrojtur dhe janë shndërruar në një lëvizje më të gjerë kundër qeverisë.
Krahas protestave në Tiranë, manifestime janë zhvilluar edhe në qytete të tjera të vendit, si dhe nga diaspora shqiptare jashtë kufijve.
