Kreu i Partisë Demokristiane, Nard Ndoka ka komentuar protestën e thirrur nga opozita përballë Kryeministrisë.
Ndoka ka shprehur se janë shumë arsye pse kryeministri duhet të dorëhiqet por kjo nuk mund të pranohet nga mentaliteti i tij kështu që duhet ti ushtrohet presion nëpërmjet protestave për ta larguar atë nga drejtimi i këtij vendi pas gjithë skandaleve për të blerë votat dhe për të qenë në pushtet.
“E rëndësishme është mbajtja e një proteste në të tilla kushte. Protestat në vetëvete janë një lloj testi se sa qytetarët janë të zemëruar me politikën dhe qeverisjen, sa është mbështetja e opozitës te qyetetarët dhe së treti është një lloj reflektimi nga ana e kryeministrit dhe qeverisjes për të parë nivelin e pakënaqësisë. Unë gjykoj se është momenti final që kryeministri të largohet. Ose do të largohet nëpërmjet dorëheqjes, diçka që nuk egziston në mentalitetin e tij, atëherë duhet të ushtrohet një lloj presioni maksimal nëpërmjet protestave të pandalshme të qytetarëve.
Ky është rast unikal që në 30 vite një kryeministër të kapet bashkë me ministra,deputetët e tij, shefa komisariatesh dhe kryetar bashkie në krim zgjedhor. Këto nuk janë akuza të opozitës por janë dosje ligjore institucionale të ngritura nga prokuroria kur ata po hetonin grupet kriminale. Imagjino kupolën e shtetit Shqiptar, komunikojnë me grupet kriminale që bijen pre e përgjimeve. Këto grupe përdoren për blerjen e votave.
Të gjithë kemi pasur dyshime sa kryeministri e ka blerë liderin e opozitës, ndërsa sot kemi një realitet të faktuar, ku kryeministri përmendet në një akt-akuzë ndërkombëtare se ka korruptuar një zyrtar të lartë të SHBA për të kapur peng Lulëzim Bashën, ku ky i fundit si dredharak nuk i qëndroi pazarit me Ramën por e detyroi atë të përdorte FBI për ti bërë një dosje deri në Rusi”, tha Ndoka per Faxnews.
