Sekretari i Përgjithshëm i Partisë së Lirisë, Tedi Blushi ka denoncuar gjendjen në të cilën ndodhen rrugët e lagjeve në zonën e ‘Astirit’, në kryeqytet.
Në një postim në FB, Blushi shkruan së qeveria përpiqet të mashtrojë popullin me satelitët që u ngritën në hapësirë, ndërkohë që kjo zonë e kryeqytetit është si në Mesjetë edhe pse banorët i paguajnë rregullisht taksat.
“‘Rilindja’ përpiqet të mashtrojë popullin me satelitë në hapësirë, ndërkohë që rrugët tek “Astiri” janë si në Mesjetë. Një katrahurë e vërtetë urbane edhe pse banorët e kësaj lagjeje të kryeqytetit paguajnë rregullisht taksat. Meqënëse Erion Veliaj udhëton me makinë luksoze, duhet të hyjë me gomar në rrugët e “Astirit” për të kërkuar vota ndonëse pati 8 vite kohë për të ndryshuar këtë realitet, që mediat e blera prej tij nuk e shfaqin. 14 Maji nuk është larg! Është dita kur banorët e Tiranës do të votojnë për të ndëshkuar Kryemashtruesin dhe Kryehajdutin e kryeqytetit! Është dita kur do të votojnë për një Tiranë të vërtetë europiane”, shkruan Blushi krahas një videoje të postuar, ku tregohen pamjet e rrugëve.
