Edhe pse kanë kaluar dy muaj nga parashtrimi i kërkesave të pedagogëve drejtuar qeverisë, ende nuk është plotësuar asnjëra prej tyre.
Pedagogët e universiteteve kanë dalë sërish në protestë para Kuvendit ditën e sotme, ku po zhvillohet seanca për miratimin e buxhetit.
Kreu i Sindikatës së Pedagogëve Sandër Kovaçi u shpreh se kërkesat e tyre vijojnë të qëndrojnë dhe kërkuan sërish nga qeveria që të merren parasysh, ndersa u ka bërë thirrje edhe studentëve të bashkohen në protestë, pasi në kërkesat e tyre është dhe ulja e tarifave që ata paguajnë.
Sandër Kovaçi: Duhet të përsërisim edhe njëherë variantin e konsoliduar dërguar instancave ku përkatësisht pika e parë kërkohet rritja e buzhetit të arsimit të lartë, të vlerësohet puna e pedagogëve shqiptarë sa në Kosovë, tarifat e studentëve të mos jenë më shumë se tarifat e studentëve në Kosovë. Personeli administrativ dhe pedagogët të përfshihen në rritjen e rrogave nga të ardhurat dytësore,. Në faqen e ministrisë dhe universitetit të bëhet pasqyrim i detajuar i shpenzimeve dhe të luftohet tendenca për autokraci në universitete. Aktualisht në unversitetet publike nuk ekzistojnë organizmat kolegjiale vendimarrëse. Ftojmë autoritete dhe senatet akademike të largohen nga pozicioni i vëzhguesit dhe të sensibilizohem me kërkesat e pedagogëve dhe studentëve për realizmim e kërkesave sa më shpejt pa cënuar aktivitetin mësimor. Ftoj dhe studentët të na bashkohen. Sot jemi këtu sepse ne duhet të ishim herën e parë para Komisionit të Edukuimit por ai koimision me shumicë nga mazhoranca në mënyrë groteske voti që të mos kishte përfaqësues të rektoratit në mënyrë që kërkesat e tyre të mos përfshiheshin në buxhetin e vitit 2023
Kërkesat e pedagogëve
Rritja e pagave për pedagogët dhe stafin ndihmës
Rritja e financimit për kërkimin shkencor
Rivendosja e shtesave mbi pagë për ‘Dëshmi shëndeti në punë’
Rritja e shtesës mbi pagën për vjetërsinë në punë
Rritja e pagesës së orëve të ngarkesës suplementare
Rivlerësimi i orës mësimore, pasi ka zbritje prej 50% të pagesës së orës mësimore si rezultat i mosdiferencimit të orës mësimore të leksionit.
Rishikimin e tatimit prej 23% mbi pagesën e ngarkesës suplementare
Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”.
Të bëhet transparencë mbi buxhetin dhe të ardhurat e universiteteve publike.
