Kryetari i Partisë Demokratike, Sali Berisha ka publikuar në Facebook foton e Edi Ramës i cili shfaqet duke takuar Viktor Çervanakun, zyrtar socialist, në shtëpinë e të cilit në Frakull të Fierit, u zbulua një laborator kokaine.
Ish-kryetari i komunës Frakull punon aktualisht drejtor i administratës te OST, me rrogë mbi 2 milionë lekë lekë në muaj. Droga e gjetur mësohet se është e një sasie të konsiderueshme.
Mbi 50 thasë janë nxjerrë nga shtëpia e Çervanakut.
Kokaina është transportuar me kamionët e ushtrisë të cilët duken edhe në video.
Operacioni anti-drogë
Një megaoperacion i zhvilluar ditën e sotme ku morën pjesë DEA, SPAK dhe policia malazeze bëri të mundur kapjen e një sasie të madhe droge të fshehur në një sasi prej 400 kliogram pleh kimik në Tivar, ndërkohë që u zbulua dhe laboratori që përdorej për përpunimin e kokainës në Frakull të Fierit.
Laboratori, sipas raportimeve mediatike, është gjetur në banesën e ish-kryeplakut të fshatit Frakull, Viktor Çervanaku, i cili jeton në Tiranë.
Kryeplaku i Frakullit të Madh në Fier, Fiqiret Muçaj tha në një prononcim për gazetarët se Viktor Çervanaku aktualisht është drejtor në Bashkinë Tiranë. Çervanaku po ashtu, sipas raportimeve mediatike, ka qenë zyrtar i PS në Fier.
Deri tani janë arrestuar 15 persona, katër prej të cilëve në Tiranë. Mes të arreestuarve është edhe Klajdi Vrioni (Kodra), 32 vjeç. Të arrestuarit janë mbajtur nën vëzhgim dhe janë përgjuar prej disa kohësh.
Ndërkohë, në laboratorin që u zbulua në fshatin Fratar të Fierit janë kapur edhe 2 kallashnikov, një shotgun dhe një çifte.
Sasia e drogës dyshohet se ka mbërritur në portin e Tivarit në Korrik nga Kolumbia, prej ku është transportuar në Fier. Prej së paku 3 muajsh, personat e përfshirë janë mbajtur nën përgjim, ndërsa sot është ndërhyrë.
