Policia e Shtetit ka shtuar kontrollet pas shkëmbimit të informacioneve me homologët grekë, për një shtetas shqiptar që kishte kryer disa përdhunime seriale në vendin fqinj dhe që fshihej në Vlorë.
Uniformat blu organizuan strukturat operacionale për të ushtruar kontrolle të imtësishme në territorin ku dyshohej se fshihej 45-vjeçari. Pas kërkimeve uniformat blu bëjnë me dije se mbrëmjen e djeshme është arrestuar shtetasi shtetasin Spartak Dyrmishi (45 vjeç), banues në Vlorë, i cili akuzohet për veprën penale “përdhunim” në Greqi.
“Duke qenë se ky shtetas ka shprehur dëshirën e tij për t’u dorëzuar te Policia greke, në orët e para të mëngjesit të sotëm, Policia shqiptare e ka dorëzuar atë në Pikën e Kalimit Kufitar Kakavije. Gjatë një komunikimi në mesnatë, mes Drejtorit të Përgjithshëm të Policisë së Shtetit Drejtues Muhamet Rrumbullaku dhe homologut të tij greke Gjeneral Lieutenant Konstantinos Skoumas u vlerësua bashkëpunimi dhe reagimi mjaft profesional i Policisë shqiptare”, njofton policia e shtetit.
