Rritje më e ulët, inflacion më i lartë. Është ky parashikimi i zymtë i bërë të enjten nga Komisioni Evropian.
Sipas Brukselit, agresioni rus ndaj Ukrainës vazhdon të prekë negativisht ekonominë e Unionit.
Rritja në mbarë kontinentin pritet të jetë 1.5 për qind në 2023-shin, ndërsa inflacioni për këtë vit do të jetë në kuotën rekord prej 8.3%.
Kërcënimi i Rusisë për ndërprerjen e furnizimeve me gaz rëndon gjithashtu, me Komisionin që nuk e përjashton recesionin.
“Ky skenar, që do ta quajnë skenar agresiv, do ta fusë ekonominë e BE-së në recesion në gjysmën e dytë të këtij viti dhe do të acarojë aktivitetin ekonomik vitin e ardhshëm,” – tha Paolo Gentiloni, komisioner i BE për Ekonominë.
Rimëkëmbja ekonomike nga pandemia ka humbur vrullin e saj dhe rreziku për mungesë të rezervave energjetike e kanë lënë ekonominë evropiane në situatë shumë të cënueshme.
