Deputeti i qarkut të Dibrës, Xhelal Mziu ka akuzuar ministren e Infrastrukturës, Bleinda Balluku, për lënien në mes dhe për korrupsion në rrugën e Arbrit. Madje situatën e krahasoi edhe me vetë ministren.
Ndërsa në përgjigje, Balluku u shpreh se rruga e Arbrit ka afruar Dibrën me Tiranën, teksa i ka kujtuar Mziut rastin Shamikuqja.
“Kryeministri i sotëm, shefi i opozitës asaj kohë, tha se rruga e Arbrit është lënë rrugve dhe që premtoi se do ishte puna e parë që do të bënte dhe deri më sot 19 herë ka pasur deklarata ose të kryeministrit ose të ministrave ose për fillimin e punimeve, ose për mbarimin e punimeve dhe në fakt rruga ka ngelur rrugëve ashtu siç thoshte kryeministri i sotëm në atë periudhë që ajo rrugë u lidh me një kontratë që ishte jo pak por 33.6 miliardë lekë pa TVSH. Kryeministri ta se rruga do të mbarojë para afatit”, tha Mziu.
“Kjo rrugë kaq e rëndësishme filloi të realizohej vetëm pasi qeveria Rama, bëri të gjitha studimet mbi ato studime që ishin bërë nga 2007 deri në 2013”, u përgjigj Balluku.
“Gjysma e rrugës në 72 kilometra ka mbaruar në kohën e PD dhe ka kushtuar 70 mln euro”, deklaroi Mziu.
“Siç u more me pamjet time, ti ndoshta më do me shami të kuqe por mua shamitë nuk më shkojnë”, u shpreh Balluku.