Gjykata e Tiranës ka dënuar me 17 vite burg Francesco Becchetti-n, për pastrim parash dhe vjedhje duke shpërdoruar detyrën. Prokuroria kishte kërkuar 20 vite burg për biznesmenin italian.
Sipas Gjykatës, Becchetti ka krijuar një sistem shoqërish tregtare, me qëllim fshehjen e veprimtarisë kriminale. Në këtë sistem, sipas hetimeve, është përfshirë i pandehuri Becchetti, duke futur në këtë marrëdhënie nënën Lilliana Condomiti dhe vjehrrën e tij Vjollca Kamberi.
Sipas Gjykatës, asetet e tyre dhe llogaritë bankare të shoqërive do kalojnë në favor të shtetit.
Përveç Bechettit, Gjykata dënoi edhe mamanë dhe persona të tjerë si bashkëpunëtorët e tij: Liliana Condomitti- 8 vite burg; Mauro De Renzis – 16 vite burg; Erjona Troplini-8 vite burg; Stavri Peçi – 2 vite burg, pezullim në shërbim prove; Fetah Dervishi – 3 vite burg, pezullim dënimi në shërbim prove.
Nga ana tjetër, Becheti ka paditur shtetin shqiptar në Strasburg dhe ka fituar çështjen lidhur me mbylljen e televizionit ‘Agon’ në vitin 2015 nga autoritetet shqiptare. Sipas vendimit, shteti shqiptar duhet ti paguaj sipërmarrësit italian mbi 100 milion euro, ndërkohë raportohet se kanë nisur kanë nisur procedurat për njohjen dhe ekzekutimin e detyrimit.
