Dhunoi ish-gruan, i shkatërron edhe makinën/ Arrestohet 46-vjeçari

Një 46-vjeçar në Peqin u arrestua nga policia pasi ka ushtruar dhunë ndaj ish-gruas dhe i ka dëmtuar automjetin. Në momentin e arrestimit, ai ka kundërshtuar punonjësit e policisë.

“Arrestohet në flagrancë 1 shtetas, për veprat penale “Dhuna në familje”, “Shkatërrimi i pronës” dhe “Kundërshtimi i punonjësit të policisë së rendit publik”, njoftoi policia.

LEXO EDHE  PD Elbasan publikon emrat e delegatëve që kanë firmosur për Kuvendin e 11 Dhjetorit

Specialistët për Hetimin e Krimeve në Komisariatin e Policisë Peqin arrestuan në flagrancë shtetasin R. T., 46 vjeç, banues në fshatin Shezë, Peqin, pasi për motive të dobëta, ka ushtruar dhunë ndaj ish-bashkëshortes së tij dhe i ka dëmtuar automjetin, si dhe ka kundërshtuar punonjësit e Policisë gjatë shoqërimit në ambientet e Policisë.