Tensionohet sërish situata, familjarët kërkojnë të hyjnë në Gjykatën e Fierit

Tensionohet sërish situata në ambientet jashtë Gjykatës së Fierit, ku këtë të Enjte është caktuar të jepet masa e sigurisë për Klodian Çalamanin.

Për disa momente, familjarë të 8-vjeçarit Mateo Vasiu që u vra nga Çalamani dhe qytetarë, shtynë me forcë portën hyrëse në gjykatë, për tu futur në ambientet e brendshme. Por, nuk janë lejuar nga efektivët.

Situata e qetësua për disa minuta, por përsëri pati tensione, pasi një automjet policie doli nga oborri i gjykatës. Familjarët patën dyshime  se brenda fugonit ndodhej Çalamani.

LEXO EDHE  Denar Biba votohet si kryetari i ri i Autoritetit të Konkurrencës

Efektivët u përpoqën të qetësonin familjarët e qytetarët e tjerë, teksa shoqëruan të ëmën e fëmijës pranë fugonit për të verifikuar se brenda mjetit nuk ndodhej 38-vjeçari i cili i vrau djalin.

Edhe më herët, familjarët e fëmijës u futën në ambientet e institucionit me forcë.  

Ata, bashkë me qytetarë të vendosur tanimë jashtë ambienteve të gjykatës, kërkuan dënim me vdekje për autorin.

Duke iu referuar situatës së tensionuar, ka mundësi që seanca e planifikuar për sot, të shtyhet.