Policia e Fierit ka goditur një rast të veprimtarisë kriminale në fushën e shpërndarjes së drogave të forta në doza të vogla, duke arrestuar babë e bir.
Në pranga kanë rënë shtetasit Medjon Karamani (Sulko), 26 vjeç, dhe Mario(Barjam) Karamani, 56 vjeç, pasi janë kapur me doza heroine gati për shitje.
Në cilësinë e provës materiale janë sekuestrur lënda narkotike e dyshuar heroinë, një automjet tip “BMW”, 4 aparate celularë, si dhe 4 palë targa të automjeteve të ndryshme të dyshuara të vjedhura.
Njoftimi i policisë.
Specialistët për Hetimin e Narkotikëve në bashkëpunim me Forcën Operacionale në DVP Fier, në lagjen “Sheq i Madh” Fier, kapën me një sasi lëndë narkotike e dyshuar heroinë e ndarë në doza gati për shitje, shtetasin Medjon Karamani (Sulko), 26 vjeç, banues në Bitaj, Kolonjë, Lushnjë.
Gjithashtu, në vijim të veprimeve operacionale, u kap në flagrancë në banesën e tij në fshatin Bitaj, edhe shtetasi Mario(Barjam) Karamani, 56 vjeç, me një sasi lëndë narkotike e dyshuar heroinë e gatshme për t’u shitur.
Në cilësinë e provës materiale u sekuestrua lënda narkotike e dyshuar heroinë, një automjet tip “BMW”, 4 aparate celularë, si dhe 4 palë targa të automjeteve të ndryshme të dyshuara të vjedhura.
