Seanca parlamentare e kësaj të enjteje u shoqërua nga debatet mes mazhorancës dhe opozitës.
Vrasja e gjyqtarit Astrit Kalaja në sallën e gjyqit te Gjykata e Apelit, për opozitën ka përgjegjës shtetin, ndërsa akuzon institucionet për dështim në garantimin e masave të sigurisë.
Ndërsa mazhoranca akuzoi deputetët e PD se po bëjnë politikë me vdekjen. Pasi seanca u ndërpre 2 herë për shkak të tensioneve, Peleshi kaloi pa debat për votim rendin e ditës
U votua me 76 vota pro dhe 2 kundër raporti “Për vlerësimin e veprimtarisë së Autoritetit të Komunikimeve Elektronike dhe Postare (AKEP)”.
Me 76 vota pro dhe 0 kundër kaloi edhe raporti “Për vlerësimin e veprimtarisë së Komisionerit për të Drejtën e Informimit dhe Mbrojtjen e të Dhënave Personale (KDIMDP) për vitin 2024”.
Po me 76 vota pro u miratuan edhe raportet e Entit Rregullator të Energjisë (ERE) dhe Entit Rregullator të Ujit (ERRU) për vitin 2024.
Ndërkohë, raporti “Për vlerësimin e veprimtarisë së Entit Rregullator të Ujit për vitin 2024” kaloi me 74 vota pro dhe 1 kundër.
Gjatë procesit të votimit, deputetët e opozitës protestuan në sallë duke u çuar në këmbë.
