Presidenti Ilir Meta tha mbrëmjen e sotme në emisionin ‘Çim Peka Live’ se ai do të bëjë çmos për të mbrojtur shëndetin e shqiptarëve, ndërsa shtoi se nuk janë kryer investime për sa i takon blerjes së aparaturave të nevojshme për shpëtimin e jetëve.
“Për shkak të kësaj junte policore, që është krijuar, Ilir Meta është detyruar ta quajë veten ushtarin e parë të Republikës.
Populli shqiptar ka nisur marshimin drejt 25 prillit. Shqiptarët e kanë të qartë, që duhet të marrin pushtetin në duart e tyre!
Jam i gatshëm të bëj çdo gjë për të mbrojtur shëndetin e shqiptarëve. Qeveria ka bërë shumë pak investime për shpëtimin e jetës sidomos për ata qytetarë, të cilët shkojnë në intubim.
Shumë pak është bërë të mbështetur financiarisht familjet në nevojë. Nuk janë kryer investime për sa i takon blerjes së aparaturave të nevojshme për shpëtimin e jetëve”, tha Meta.
