Meghan Markle, Dukesha e Sussex, të enjten fitoi një proces gjyqësor mbi privatësinë kundër një kompanie mediatike britanike që publikoi pjesë të një letre që ajo i shkroi babait të saj, Thomas Markle.
Vendimi me shkrim, i botuar nga Gjykata e Lartë në Londër, erdhi pasi Meghan paditi Associated Newspapers, botuesin e Mail on Sunday dhe Mail Online mbi pesë artikuj të botuar në Shkurt 2019-ës, të cilat riprodhonin pjesë të letrës me shkrim që ajo i dërgoi babait të saj pas dasmës me nipin e Mbretëreshës Elizabeth II, Princi Harry, në maj 2018-ës.
Gjykatësi Lord Justice Warby vendosi të enjten në favor të saj në gjykatën e lartë.
Dukesha po kërkon dëmshpërblim për keqpërdorim të informacionit privat, shkelje të së drejtës së kopjimit dhe shkelje të Ligjit për Mbrojtjen e të Dhënave mbi pesë artikuj.
*Burimi The Guardian
