Kreu demokrat Lulzim Basha e ka kosnideruar si të turpshëm sulmin e Kryeministrit Edi Rama ndaj BE-së lidhur me vaksinat.
Ndaj deklaratave të Ramës ka reaguar edhe Franca, e cila ka dorëzuar një notë proteste në Ministrinë e Jashtme shqiptare.
“E turpshme që Tirja i qeverisë sulmon BE dhe vendet anëtare për dështimet e tij. Nuk është faji i BE që Shqipëria është vendi më i korruptuar në Europë.
Nuk është faji i BE që Tirja i qeverisë u ka dhënë qytetarëve ndihmën më të ulët nga çdo vend tjetër. Nuk është faji i BE që Tirja i qeverisë i braktisi shqiptarët në kohën e tërmetit, pandemisë dhe krizës ekonomike. Nuk është faji i BE që Rama është një dështim në çdo gjë. Sulmet ndaj BE dhe vendeve anëtare nuk e mbulojnë dot dështimin e tij.
Ne i jemi përjetë mirënjohës BE për mbështetjen që i ka dhënë Shqipërisë në momente të vështira për vendin. 25 prilli do të jetë ditë e ndarjes nga e keqja dhe e orientimit europian të Shqipërisë”, shkruan Basha në reagimin e tij në rrjetet sociale.
Në deklaratat publike, Kryeministri Edi Rama e cilësoi BE një egoiste, e cila mendoi vetëm për veten e saj lidhur me vaksinat. Madje Rama tha se në konceprin e përdorur nga BE iu tha vendeve jashtë saj se “secili mendon për vete, Zoti për të gjithë”.
