Avokati i njohur, Ledio Braho, u shpreh mbrëmjen e sotme në emisionin “Arena” se në polici është futur një frymë represioni. Braho akuzon ministrin e Brendshëm, Sandër Lleshaj, lidhur me frymën e krijuar në rradhët e policisë, duke theksuar se ai ka përgjegjësinë kryesore.
“Nuk është normale kur një qytetar ka frikë nga polici kur ka kryer një shkelje administrative. Nuk ka punonjës policie që do të ndeshet me qytetarët.
Qytetarët nuk kanë ku të ankohen, s’mund të shkojnë në gjykatë për një gjobë 30 mijë lekë”, tha Braho.
Sipas tij, fryma represore në polici vjen pasojë e politikës së ministrit të Brendshëm, prandaj ai ka përgjegjësi.
“Ne nga kjo po vuajmë aktualisht dhe ajo që ndodhi dje është pasojë e kësaj”, tha Braho.
