Rastet me Covid-19, mbyllen 12 kopshte dhe çerdhe në Fier

Qarku i Fierit vijon të mbetet një ndër qytetet me numër të konsiderueshëm të rasteve të rënda me Covid-19. Një ditë më parë janë regjistruar 48 raste të reja, ku aktualisht në qarkun Fier janë 1373 raste aktive me koronavirus.

Vihet re një numër i madh i të moshuarve të prekur me Covid-19, nga ku vetëm ditën e djeshme kanë rezultuar 19 pensionistë të infektuar.

Raportohet për 3 infermierë të prekur me Covid, 2 mjekë, 1 prokuror, 1 gjykatës, ekonomistë, mësues dhe punonjës në institucione të ndryshme.

LEXO EDHE  Zgjidhet drejtuesi politik i PD në Qarkun e Beratit

Shtim të rasteve ka edhe mes bluzave të bardha, ku kryesisht të prekur janë mjekët dhe infermierët në Qendrat Shëndetësore.

Për shkak të përhapjes masive të virusit ditën e sotme janë mbyllur 8 kopshte dhe 4 çerdhe të cilat do të qëndrojnë mbyllur deri ditën e hënë, bën me dije Drejtuesja e Qendrës Ekonomike të Arsimit në Bashkinë e Fierit.