Kreu demokrat Lulzim Basha tha mbrëmjen e sotme në emisionin “Çim Peka Live” se në kushtet e infektimit në Shqipëri, duhet të bëhen 2500 teste në ditë.
“Infermierët po ikin masivisht, ishin 50 infermierë te Shefqet Ndroqi dhe sot kanë mbetur vetëm 10. Ndaj kemi kërkuar që mjekët dhe infermierët duhet të trajtohen me bonuse 1000 euro dhe 500 euro, sikundër e premtoi dhe nuk e realizoi.
Edi Rama duhet që në këto muaj që i kanë mbetur të bëjë detyrën, mos vjedhë dhe abuzojë këto 6 muaj, të shtohen testimet në mënyrë që rastet të gjurmohen ashtu sikundër duhet”, tha Basha.
Ai akuzoi Kryeministrin se po përçmon mjekët, duke shtuar se ata që kanë vdekur nga Covid-19 duhet të trajtohen si dëshmorë të atdheut.
“A e cilësoi Rama, pandeminë një luftë, atëherë pse nuk trajtohen si dëshmorë mjekët që fatkeqësisht humbën jetën në këtë luftë”, tha Basha.
