Është mbyllur pjesa e parë mes Young Boys dhe Tiranës, një ndeshje kjo që do të përcaktojë skuadrën që do të kualifikohet në fazën e grupeve të Europa League.
Vendasit kanë pasur rastet më të shumta për shënim dhe përpjekjet e tyre janë shpërblyer në minutën e 42-të. Goli i avantazhit ka ardhur nga numri 16, Fasnacht.
Pas një harkimi nga e majta, i vetëm brenda zonës, sulmuesi i Young Boys, nuk ka falur duke e dërguar topin në rrjetë.
Nga ana tjetër skuadra e Tiranës ka qenë në pritje në këtë 45 minutësh të parë ku rasti më i rrezikshëm ka qenë ai i minutës së 10-të me anë të Cale. Sulmuesi bardheblu godet dy herë në drejtim të portës, por në të dy tentativat gjen përgjigjen e portierit kundërshtar.
