Gjoba 1 mln lekë pronarëve të 3 lokaleve, organizuan ceremoni festive

Tre pronarë lokalesh janë gjobitur me gjobë 1 milion lekë në Shkodër. Policia njoftoi se masa admistrative është vendosur pasi këto subjekte kanë ushtruar aktivitetin në kundërshtim me Aktin Normativ.

Tre lokalet në fjalë organizuar ceremoni festive në kundërshtim me rregullat, duke mos respektuar protokollet e sigurisë.

Njoftimi i policisë:

Policia e Shkodrës ka ndëshkuar me nga 1.000.000 lekë gjobë, pronarët e 3 lokaleve, pasi kanë ushtruar aktivitetin në kundërshtim me Aktin Normativ.

Shërbimet e Komisariatit të Policisë Shkodër, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë konstatuar 3 lokale në të cilat ishin organizuar ceremoni festive në kundërshtim me Aktin Normativ, duke mos respektuar protokollet e sigurisë.

LEXO EDHE  Mbi tre mijë të infektuar dhe 1.731 të shëruar në Kosovë që nga fillimi i muajit

Shërbimet e Policisë i kanë vendosur pronarëve të subjekteve, shtetasve E. F. , M. Ç. dhe N. N. masën administrative 1.000.000 lekë secilit.

Policia e Shkodrës apelon për të gjithë pronarët/administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.