Presidenti Ilir Meta nis sot takimet me përfaqësues të partive politike lidhur me caktimin e datës së zgjedhjeve të ardhshme parlamentare.
Takimet do të nisin me kreun republikan Fatmir Mediu, dhe vijojnë me përfaqësuesit e forcave të tjera politike. Kreu demokrat Lulzim Basha pritet të jetë vetë i pranishëm i Presidencë rreth mesditës, ndërsa nga LSI, pritet të shkojë Endrit Braimllari.
Ndërkohë socialistët përmes Taulant Ballës kanë hedhur idenë që zgjedhjet të mbahen më 9 maj. Nuk dihet nëse kjo dëshirë e socialistëve do të mbështetet nga forcat e tjera politike dhe nga Presidenti, por me shumë gjasa zgjedhjet e ardhshme do të mbahen në muajin prill.
Në shtator pritet që Këshilli Politik të vijojë diskutimet për reformën zgjedhore, ndërsa Kuvendit i duhet të realizojë ndryshimet e nevojshme në ligj, pasi në zgjedhjet e ardhshme do të aplikohet sistemi aktual, por me lista të hapura.
