Një plagosje me armë zjarri ka ndodhur pak pas mesnate në Fier. Rreth orës 00:30, në lagjen Mbrostar-Ferko, Fier, është plagosur me armë zjarri në banesën e tezes së tij, një 50-vjeçar.
Abcnews.al mëson se bëhet fjalë për Nihat Xhaferrajn, banues në Vlorë, i cili është lënduar në krah.
Policia nuk ka pasur asnjë akses në lidhje me identitetin e autorëve ndërsa ende nuk dihen as motivet e ngjarjes.
Siç raporton ajo, vetë i plagosuri ka deklaruar se nuk e di arsyen se pse është qëlluar.
“Ngjarja duket se po mbulohet me atë që quhet terr informativ . Qoftë nga policia apo edhe nga i lënduari në këtë rast. Që mesa duket ka edhe edhe policinë në krah të tij, në lidhje me mbulimin e informacionit,” raporton abcnews.
Mësohet se kur shkoi në spital i lënduar në krah, Xhaferraj nuk ka deklaruar emrin e tij të vërtetë. Por edhe punonjësit në spitalin e Fierit kanë shënuar në regjistrin e urgjencave vetëm diagnozën, “plagë me armë zjarri.”
Në momentin kur u qëllua, 50-vjeçari ka qenë në banesën e tezes së tij, ndërsa nuk dihet nëse ka ndodhur në mjediset e brendshme apo të jashtë të banesës. Edhe rrethanat mbeten ende të paqarta.
Policia ka sqaruar në mënyrë indirekte se bëhet fjalë për disa persona. Kjo pasi flitet për një makinë të djegur që është braktisur pak minuta pas ngjarjes. Pra duket se janë disa autorë.
Abcnews raporton se e gjitha e ka zanafillën te një konflikt i mëparshëm mes tij e fisit të tij, me një fis tjetër në Selisht të Vlorës. Megjithatë, këto mbeten për t’u konfirmuar.
Abcnews ka kontaktuar me familjarë të të plagosurit dhe raporton se ata janë shumë të frikësuar dhe të tronditur nga ngjarja.
Xhaferraj kishte marrë urdhër mbrojtjeje pas ngjarjeve dhe vrasjeve që kishin ndodhur në fisin e tij e për këtë arsye strehohej tek shtëpia e tezes së tij.
Gjetja e vendit ku do të strehohej duket se ka qenë e gabuar, sepse pikërisht te të afërmit kanë dyshuar fillimisht atentatorët.
Në kushte të errësirës së plotë, ata janë futur në oborrin e shtëpisë ku ndodhej 50-vjeçari duke përdorur një banesë ngjitur që ishte e pabanuar.
Kanë tentuar ta qëllojnë nga dritarja, por Nihat Xhaferraj ka shpëtuar me vetëm një plagosje në krah.
Ndërkohë, mbetet ende për t’u sqaruar për se me çfarë kanë qëlluar. Me pas ata janë larguar dhe ne Levan kanë djegur automjetin tip “Benz”. /abcnews.al/
