Urdhri i Stomatologut reagon pas ndarjes nga jeta të Aneta Ramës: Humbëm një nga ikonat

“Urdhri i Stomatologut” ka reaguar në lidhje me ndarjen nga jeta të Aneta Ramës, nënës së kryeministrit Edi Rama.

Përmes një mesazhi ngushëllimi, Urdhri thekson se humbën një nga ikonat e stomatologjisë.

Kujtojmë se Aneta Rama ishte ndër mjeket e para stomatologe në Shqipëri, e cila u vlerësua në 2018 me çmim ‘Nderi stoma-tologjisë’.

Mesazhi i Urdhrit të Stomatologut

Sot u nda nga jeta mjekja stomatologe “Nderi i Stomatologjisë Shqiptare” Dr.Aneta Rama. Dr.Aneta lindi në qytetin e Vlorës më 1 shtator 1939. Shkollën dhe arsimin e mesëm e mbaroi në qytetin e lindjes me rezultate ekselente. Dr.Aneta ishte dhe një sportiste e talentuar në katër lloje sportesh.

Në vitin 1955 filloi studimet në një nga Universitet më me emer të Polonisë dhe i mbaroi me rezultate të shkëlqyera në vitin 1961. Pasi u diplomua si mjeke stomatologe filloi punë në poliklinikën e qytetit të Vlorës. Dr.Aneta më vonë ka punuar në kryeqytet duke drejtuar poliklinikën dentare, e Specializuar ne Radiologji e Fizioterapi Stomatologjike.

LEXO EDHE  Denoncimi i fortë/ Mbi 20 policë në Shkodër të infektuar me Covid-19, nuk u bëhen tamponët

Dr.Aneta është dekoruar me çmime të ndryshme për punë shumë të mirë e rezultate shkencore në shërbimin ndaj qytetarit. Me rastin e 100 vjetorit të Stomatologjisë Vlonjate, Urdhri i Stomatologut të Shqipërisë i akordoi titullin më të lartë: “Nderi i Stomatologjisë Shqiptare“ në një atmosferë të jashtëzakonshme festive të mbarë dentistrisë. Sot stomatologjia shqiptare humbi një nga ikonat e para të themelimit të këtij shërbimi elitar në vendin tonë. Familja humbi njeriun e saj të dashur: nënën, gjyshen e njeriun që do ta kujtojë tërë jetën. Në emër të Urdhrit të Stomatologut të Shqipërisë i shpreh ngushëllime familjes, miqve e kolegëve të Dr.Anetës.
U prehsh në paqe Dr.Aneta!
President i USSH
Nikoll Deda