Denoncimi nga Surreli: Si Rama po tenton ti zaptojë tokën fqinjit

Ish-kryeministri Sali Berisha denoncon se kreu i qeverisë, Edi Rama po tenton ti zaptojë tokën një fqinji në Surrel.

Berisha shpërndan në faqen e tij në FB një mesazh, për të cilin tregon se ka ardhur në adresë të tij. Në mesazh, pretendohet se kryeministri Edi Rama po zapton tokën e bashkëfshatarit për ndërtimin e një rruge që kalon pranë banesës së tij.

“Dënoj me ashpërsinë më të madhe grabitjen e tokës së fqinjës duke përdorur pushtetin si një vepër të mirëfilltë krimi”, shprehet Berisha në postimin e tij dhe më tej publikon mesazhin:

LEXO EDHE  Basha: Zotërinj të SPAK, çfarë ju pengon hetoni mafien e plehrave?

“Përshëndetje Doktor, uroj të jeni mirë, po ju nis një ankesë të një fshatari në Surrel. Ankohet se të babëziturit duan ti marrin tokën vetëm se i duhet Ramës rruga. Tek fotoja që po ju nis, vija e verdhë tregon rrugën që Rama do të ndërtojë tek sarajet e veta duke grabitur tokën tonë po përgatisin letrat ndërkohë. Po të shikoni mire rruga (në të djathtë) kalon në tokën e sulltan Rames dhe ai atë e mban vetëm për vete”.